tg-me.com/amAli30/10839
Last Update:
قصيدة لأهل زينب ايام العيد
{ عندي احباب }
عندي احباب حن كلبي عليهم
بيوم العيد كون اتعنه ليهم
علي وزهره الزچيه / واخواني سويه
فارغ بيتهم المن نجيهم
•───✧◐◐✧───•
بيوم العيد نجري دمعة العين
على الشالو ونامو وسطة الطين
وضلت بس صورهم عالحياطين
صحناهم يهلنه / كثر همنه وهظمنه
ماردو علينه ونرتجيهم
•───✧◐◐✧───•
وكت العيد محلاهم يسيرون
ومحله ايامنه اويانه يكعدون
بلمتهم تطيب جفون العيون
نعيد بالمكابر / وي مصباح باچر
يوجع يومهم يكتل هجرهم
•───✧◐◐✧───•
مظلمه الدار من شالو اهلها
غراب البين واكف يم نزلها
الروح اخلافهم بالعمر شلها
هلي نامو بالتراب / معروفين الأطياب
هاي ارواحنه تحن لحچيهم
•───✧◐◐✧───•
بوكت العيد جانت زاهيه الدار
ونكعد ويه اهلنه ونحجي الأسرار
وكل يوم العصر يلفي الخطار
نشامه اهلي وشياهين / عليهم اعمي العين
لو ينباع شخص اهلي اشتريهم
•───✧◐◐✧───•
شيفيد البچي وشيفيد الأعتاب
ميسمعون نامو جوه التراب
وبعد بالعيد ماكو لمة احباب
بعد لاتمر ياعيد/ بقت بس المواعيد
بقه بس العطر ذكرى من اديهم
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي هذه القصيده الى اهل السيدة زينب عليها السلام
https://www.tg-me.com/um_ali313
BY قناة العبرة الحسينية
Share with your friend now:
tg-me.com/amAli30/10839